1. Ég þekki leið, sem liggur
að ljóssins fögru höll,
hún liggur gegnum klungur
og örðugleikans fjöll.
En aldrei mun sá villast,
er veg þann velur sér,
:,: sá vegur Jesús er. :,:

2. Ég þekki frið, sem varir,
þótt annað farist allt,
ei fyrir skóga græna
né gull það hnoss er falt.
Þann frið, sem hjartað þráir,
minn faðir gefur mér.
:,: Sá friður Jesús er. :,:

3. Ég þekki kraft, sem læknar
hvert hulið hjarta sár,
sem hvíld og svölun veitir,
og þerrar harma tár,
sem upp frá þessum heimi
til himins lyftir mér.
:,: Sá kraftur Jesús er. :,:

4. Ég þekki ljós, er ljómar
svo hreint og himin bjart,
sem hrekur burt hvern skugga
og heljar myrkrið svart.
Já, alla leið til himins
það ljósið lýsir mér.
:,: Það ljósið Jesús er. :,:

Hildur Elmers - Sigurbjörn  Sveinsson.