Sorgarnámskeið

Um námskeiðið


Sorgarnámskeið og samvera fyrir þá sem hafa misst.

Námskeiðið er ætlað þeim sem hafa misst og eru að upplifa sorg og depurð. Við deilum tilfinningum, styrk og reynslu sem fylgja sorginni.

Skoðaðar verða tilfinningar sem allir ganga í gegn um í sorgarferlinu og unnið með þær í hóp. Rósa Ólöf djákni mun leiða námskeiðið. Stuðst er við bókina Til þín sem átt um sárt að binda eftir Karl Sigurbjörnsson

Næsta námskeið hefst 06. janúar 2020 og munum við hittast vikulega á mánudögum kl: 20-22 í 8 vikur.

Námskeiðið er þátttakendum að kostnaðarlausu og skráning fer fram hér að neðan.


Umsagnir þeirra sem hafa sótt sorgarhóp í Fíladelfíu


Ég varð fyrir miklum missi á barnsaldri og í 40 ár byrgði ég inni ýmsa vanlíðan. Eftir að ég stofnaði sjálfur fjölskylda hugsaði ég alltaf: þegar þetta gerist þá líður mér vel eða eftir þetta þá verður allt betra. En það var alltaf einhver vanlíðan undir niðri. Ég dreif mig í sorgarhóp í fyrra hérna í kirkjunni og þvílík lausn, ég losnaði við mikla byrði og líðan mín er allt önnur. Ekki bíða, taktu í útrétta hjálparhönd. Guði sè lof að þetta tækifæri og hjálp stendur okkur öllum til boða.

- Karlmaður á miðjum aldri

Sorgarhópurinn er andlegt uppbyggingjandi ferðalag. Umræðuhópur þar sem farið er yfir stig sorgarinnar og  maður fær að deila reynslu sinni og sorg. Hver hittingur var mikil hvatning fyrir mig og mitt sorgarferli. Ég er ótrúlega þakklát fyrir hópinn í fyrra bæði yndislegir leiðbeinendur og hópurinn í heild. Hópurinn hafði mikil áhrif á minn bata og var magnað að sjá það eiga sér stað hjá öðrum í hópnum.  Það er gott að geta komist í hóp þar sem hægt er að deila sömu reynslu og trúnni. 

- Ung kona