Samfélagshópar

Járn brýnir járn, og maður brýnir mann.

Orðskviðirnir 27:17


Hvað eru samfélagshópar?
Samfélagshópur er í raun minnsta birtingarmynd kirkjunnar. Hóparnir eru litlir, aldrei fleiri en 12 í hóp, og hittast flestir í heimahúsum.Markmið hópanna er að mynda gott samfélag fólks sem er að byggjast upp í trú saman. Smæð hópanna gefur rými fyrir persónulegra andrúmsloft og oft myndast mikil og góð vinátta í hópnum.

Það er nokkur fjölbreyttni í samfélagshópnum sem eru starfandi í kirkjunni. Sumir leggja áherslu á bæn, aðrir lesa mikið í Biblíunni, sumir eru kynjaskiptir, sumir fyrir fjölskyldur og svo framvegis.

Að komast í góðann heimahóp er mikil blessun.

Hversu oft hittast samfélagshópar og hvað er gert?
Hóparnir ráða sjálfir hversu oft þeir hittast, algengast er að þeir hittist aðra hvora viku. Samfélagshópar eru nokkuð óformlegir og vinátta og tengsl eru stór þáttur í tilgangi hópanna. Þeirra hlutverk er fyrst og fremst að vera uppbyggilegt og gefandi samfélag fólks sem sameinast um trú á Jesú Krist.

Algengt form sem hópar notast við:
- Léttar veitingar og almennt spjall
- Rætt um fyrirfram ákveðið efni, oft tengt kennsluröð kirkjunnar hverju sinni
- Endað á bæn

Hægt er að óska eftir því að komast í samfélagshóp á upplýsingaborðinu eftir samkomu.  með því að hringja á skrifstofu Fíladelfíu í síma: 5354700 eða með því að  senda ósk um skráningu hér að neðan.

Ég hef áhuga á að komast í samfélagshóp

Við viljum gjarnan hjálpa þér að komast í samfélagshóp.
Fylltu út formið hér að neðan til  að byrja. 

Samfélagshópar hjálpa fólki til að vaxa í trú sinni og vera hluti af samfélagi. Hóparnir eru á ýmsum tíma vikunnar, þeir eru ólíkir og eru á ólíkum stöðum höfuðborgarsvæðisins.  Því er gott að nota formið hér að neðan til að finna hóp sem hentar þér sem best!